ИНТЕГРАЦИЈАТА-најголем помошник за оставарување на целите на воспитно-образовната работа
Оваа страница и збирките на неа претставуваат потсетник за игрите кои можат да се користат во наставата за постигање на дадени цели.Истите можат да се користат и како метод на работа на дел од даден час(вовед,тек или крај),за време на часовите по македонски,математика и запознавање на околината,комбинирани со друга соодветна содржина на истиот тој час, а целта е учење низ игра.
Играта е природна потреба на детето која ако правилно се насочи може да се искористи како метод на учење кој дава трајни резултати и искуства кои ќе бидат врежани во свеста на децата како интересни.
И додека едни се придружуваат на ова мислење и ги користат придобивките од овој метод за постигнување подобри резутати,други пак не прифаќаат со крајна недоверба и остануваат на своие класични методи гледаќи на ова како бесцелно губење време .
Ги посветувам овие страници,самите да просведочат како изгледа насочената детска игра и колу голема организација,подготовка и работа од страна на наставникот кој треба да си игра,бара истата.
Поделбата направена подолу е ориентациона и не се однесува на поделба по наставни предмети бидејки интеграцијата помеѓу нив природно ,сама од себе произлегува и позитивно се наметнува при намерата да се постигнат целите од годишната програма.
Ако се земат во предвид важноста и неопходноста да бидат запазени- принципот на актуелност,практична работа и сестрано воспитно-образовно делување, при осмислувањето на работата со децата,баш таа,играта, е онаа која дава можност за нивно оставарување.
Со успешно, креативно преплетување на содржините и целите низ сите наставни предмети по дадена тема,резултатот е максимална интеграција со максимални резултати.
Есента е содржина предвидена по запознавање на околината но јаболчињата се од корист и во математиката.Мебелот и апаратите од домот се содржина која ако се позајми за време на часот по македонски јазик ке помогне во збогатувањето на детскиот речник и способноста за опишување.
Часот на кој се модерираат овошни и зеленчукови плодови..се опишуваат...се бројат и класифицираат во различни торбички...се творат стихови за нив...или се изведуваат драмски игри...се погодува по вкус...се одрежуваат апликации од нив и се подреуваат по големина....
Каков час е тоа?
Дали е тоа час по македонски јазик или математика? ..Веројатно е час по запознавање на околината но секако дека е и по ликовно образование.Ни сама не би го знаела неговото вистинско место но го познавам неговото позитивно влијание врз децата и ги знам позитивните ефекти и постигнатите цели со негова примена.
Неговото име е едноставно-ИНТЕГРИРАН ЧАС.Денот исполнет со интегрирани часови, а и самиот покриен со една ТЕМА НА ДЕНОТ-тоа е убав ден, радосен, за децата кои ни доаѓаат во училиштето и кои ке си заминат од тука со позитивни воспитно-образовни искуства и желба за повторно учење низ игра.