Овошје и зеленчук
ПЛОДОВИ
Плодовите, мама ми вели,
се јадат кога се зрели.
Важно е да се миени,
со нешто чисто покриени.
Еднаш да каснеш
голем да раснеш.
........................................
ЗЕЛКА ЗЕЛЕНА
Зелка зелка зелена,
на три дела делена.
Едното мене,
другото тебе.
Третото го нема,
зајчето го зема.
САЛАТА
Бојан сака салата
и затоа ја сади.
За да расте побрзо
со водичка ја вади.
А пред да ја издроби
со вода ја плакне,
зошто може полжавче
со рогови да лапне.
ЦРЕШИ
Нашите цреши
многу се зрели.
Има и црвени
има и бели.
Ако е една
во уста ја ставам.
Ако се две
обетки си правам.
ЈАБОЛКО
Јаболченце црвено
на висока гранка
ајде ајде јаболко
ти на земја падни.
Ти си многу високо
тоа не е шега
ај да дувне ветренце
веднаш ќе те земам.
ПЛОДОВИ
Поле,трева стогови,
растат сочни плодови.
Најјадри се ранките
од нив тежат гранките.
Уште не дозреале
мириси развеале.
Очиња отвориле
во сонца се престориле.
Поле,трева стогови,
растат сочни плодови.
