Игра со монети и банкноти

Решавање реални проблемски ситуации со собирање и одземање до 100

Претходно потребно исуство-Детето треба да ги знае монетите и банкнотите и нивната вредност

Цели и очекувани резултати од оваа активност:

-Го одредува збирот на монети и банкноти потребни да се плати одреден износ до 100 денари.
-Го пресметува кусурот од парична вредност до 100 денари
-Пресметува, прави комбинации- колку различни производи можеме да купиме со парите кои ги имаме во моментот? (100 денари, 50 денари, 80....)

-Го проверува одговорот на една задача со собирање на броевите по различен редослед и со користење на различна стратегија. Усно го образложува начинот на решавање и размислувањето.

-Креира свои текстуални задачи
- Го користи знаењето за решавање проблеми и загатки.

Најпрвин, потребни ни се монети и бакноти

Ги користиме монетите и банкнотите од нашата БАНКА која ја подготвивме претходно при изучување на нивната вредност и ни стојат достапни во математичкото катче. Понатаму во текот на подготовка на местата за учење самите ученици беа мои партнери кои учествуваа со помош и идеи.

Потребни ни беа предмети за продажба но и цена на секој предмет. 

Како предмети за продажба употребивме се што беше желба на учениците а им беше достапно во училницата низ катчињата. Цените ги поставија со тимска работа, идеи, предлози, споредба на вредности на предметите, сепак во рамки на 100 денари, за што беше потребно да ја прилагодат и самата реалност што е од особена вредност бидејки реално се соочија со искуство на креирање на наставниот процес за ограничена, конкретна образовна цел.

Во текот на играта под мое менторство се менуваа улогите на купувачи и продавачи а учениците вежбаа комбинации за купување со ограничена вредност на пари во мигот, собирање и одземање- враќање кусур. За пресметка имаа слобода да рачунаат усно или да рачунаат со запишување на броен израз на лист или табличка, според нивни избор и индивидуална потреба. 

Во тие мигови за игра она на што плус требаше да внимаат беше употребата на учтиви реченици при нудење производ, купување и враќање кусур.

Како конструктивна пауза во текот на играта, на 10 минути од часот, секој ученик имаше задача да креира неколку текстуални задачи поврзани со оваа тема а потоа да ги презентира пред мене.